Sterk innsats i G14 Nasjonalt Tiltak

Heile fem Jotungutar (bilete) spelte i helga 5.-7. april for Team Sogndal (Kretslag for Sogn og Fjordane, G14) under eit såkalla Nasjonalt Tiltak i LSK-hallen på Lillestrøm.

Der fekk dei bryne seg mot lag frå heile landet, frå Bodø til Sandnes og gjorde særs god figur med 4.plass i turneringa der Brann vann.

Sogndal vart ståande med tre sigrar (1-0 mot Jerv, 3-0 mot Sandnes/Ulf og 1-0 mot Vålerenga) og eitt tap (1-4 mot Lillestrøm). Sander Hestetun Kilen (2) og Lidvin Hestetun (1) bidrog og i målprotokollen.

Dei fem som representerte Jotun var:

• Isak Hove
• Kevin Lægreid
• Aleksander Nundal
• Lidvin Hestetun
• Sander Hestetun Kilen