Bråstopp i A, storspel i B

Begge laga i A-sluttspelet rauk ut i kveld. Fyrst tapte J15/16 0-3 mot Spjelkavik, deretter vart det 1-2 for Dale for G14.

I B-sluttspelet gjekk det mykje betre for G15/16. Dei spela fyrste kampen 08:00 i dag tidleg. Motstandar var Minde frå Bergen. Etter hattrick av Anders Lereng drog laget i land ein trygg 3-1 siger.

Neste motstandar var Djerv 1919, her vart det ein svært jamn kamp. Anders Lereng var nok ein gong frampå og skåra, men Djerv 1919 utlikna dette og sluttresultatet vart 1-1. 2×5 minuttar Golden Goal enda med eit straffespark til ÅTIL/Jotun. Dette sette Marius Loftheim sikkert i mål, og nytt avansement var sikra. Neste motstandar er då Raufoss 2, 08:00 i morgon tidleg på Ekeberg bane 2.

Foto: Vibeke Rinde

Jentelaget møtte Spjelkavik på ei forferdeleg bane på Valle Hovin. Eitter ein jamn start på kampen tok Spjelkavik litt over, men utan å skape dei store sjansane. Like før pause måtte Emma Jevnaker i elden, men den unge målvakten redda fint. Pauseresultatet var 0-0.

Like etter pause sette Spjelkavik inn sitt fyrste mål, eit knallskot like over hovudet på Emma i målet. No måtte ÅTIL/Jotun framover på bana, og det resulterte diverre ikkje i skåringar. Spjelkavik utnytta dette, og kunne gå av bana med ein sikker siger. Kampen var jamnare enn resultatet skulle tilseie, men det mest skuffande var nok baneforholda.

Foto: Katrine C. Fredheim

G14 laget har og vore i elden, Dale var motstandar i 1/16 finalen. Etter fulltid var det Dale som kunne juble etter å ha vunne 2-1, ein siger som langt frå spegla spel og sjansar. Jotun sløsa diverre med sjansane i denne kampen, og burde ha vunne dette oppgjeret med greie siffer. Målet til Jotun vart skåra av Simen H. Mannsverk.

Foto: Annbjørg D. Lereng